مناوشات

.
There was an error in this gadget

Friday, March 4, 2011

#stockholm #AmnDawla

جهاز أمن الدولة خدم مصر لأكثر من 60 عاماً حرباً و سلماً و لم يكن ينتوي الترشح لولاية أخرى و سيعيش و يدفن في أرض مصر!  


امن الدوله لو اتحل المخبرين هايحلفو اليمين فين ؟ 


الناس المخربين اللي اقتحموا امن الدوله كانوا بيتكلموا انجلش لانجويدش كويس جدا 

بيان لأمن الدولة: لم أكن أنتوي التعذيب مرة أخري 


ظابط شرطة لبرنامج مصر في اسبوع على اون تي في: امن الدولة دول لا غنى عنهم, ده حتى الأمن ذكر في القرآن !!  


يا جماعة لازم يعرفوا ان مصر مش التحرير واسكندرية والسويس والمحلة وأسوان والفيوم وأن احنا عاوزين أمن الدولة وعاوزين الاستقرار 


يا جماعة نديهم فرصة الأول ولو مابطلوش تعذيب ميدان التحرير موجود .. هيروح فين يعني




أمن الدولة دول إخواتنا وأبناءنا وجزء من الشعب إزاى تعملوا فيهم كده 


إحنا كده ممكن اسرائيل تهجم علينا لو مفيش امن دولة.. فيه اخبار مؤكده ان فيه سفينة حربية قدام جمصة 


يا جماعة الفساد موجود في كل حتة، يعنى هوه مفيش دكاترة فاسدين مفيش مهندسين فاسدين 

مينفعش نسمع كلام بتوع التحرير فى كل حاجة كده دول شوية عيال،ايه علاقة أمن الدولة بقئ دلوقتى حد شاف منهم حاجة وحشة !!!


وبعدين امن الدولة دا ابويا وابوك واخويا واخوك وابنى وابنك  3azizy kolina losos  kida wla eh ya 3abdala biih


وبعدين أمن الدولة كان كويس اول فترتين... هو بس اخر 10 سنين مراته وابنه لعبوا بدماغوا 


لازم نعمل لجان شعبية نعذب بيها نفسنا لغاية ما امن الدولة يرجع


  ايها السادة المواطنون في هذه الظروف العصيبة التي تمر بها البلاد قررامن الدولة تخليه عن منصبه وكلف اللجان الشعبيه بذلك


نحل أمن الدولة؟!! لا لا مش ثقافة الشعب المصري .. احنا شعب عاطفي بيحب أمن دولته  

طب الكهربائي وفني الكمبروسر اللي كان شغال في امن دولة ذنبه ايه يعيش من غير شغل ؟؟ حرام عليكم دي ناس بتشتغل باليومية 


الشباب دول ملهمشي سقف للمطالب حسني و شفيق و بعد كده امن الدوله مش عارف يعني انا خايف يطالبو ان البلد يحكمها ناس نضيفة بعد كده 



إحنا لازم منختلفش ان جهاز امن الدولة محترم، هو جه في الوقت الغلط بس


انتوا فاكرين حل أمن الدوله ده سهل !؟ دا محتاج مذاكره كتير قبل حله 




1 comment: