مناوشات

.
There was an error in this gadget

Sunday, September 18, 2011

التفكير الاختزالى - المسيرى -




"ويتسم الفكر العنصرى أنه فكر اختزالى , أى أنه فكر كسول , لا يكد ولا يتعب لكى يحيط بتركيبية الواقع وتعدد مستوياته. بل يقنع بإدراك هذا الواقع إما على مستوى واحد أو من خلال صورة إدراكية واحدة بسيطة أو استعارة اختزالية بسيطة "

الترجمة : الواد ده علمانى كافر.. او ليبرالى منحل. البنت دى مش محجبة عشان اخلاقها وحشة. والبنت دى ملاك عشان محجبة. السلفيين دول متخلفين والأقباط شريرين والإخوان مرعبين. الراجل ده ابيض يبقى جامد وبيفهم كل حاجة. الراجل ده أسود يبقى غبى!



"والأنماط الإدراكية العنصرية هى أنماط إختزالية تبسيطية تعبر عن كسل من يستخدمها فهى تختزل الاخر فى كلمة أو كلمتين وف صورة بسيطة وفى استعارة أكثر بساطة. فالاخر غشاش ولا يمكن الوثوق به والعالم سيصبح مكانا فردوسيا لو اختفى منه الاخر , فالاخر هو الجحيم ومصدر كل التعاسة "


الترجمة : لو العلمانيين اختفوا مصر هتبقى جنة الله على الأرض, ولو الليبراليين ولعوا هنشوف الأدب والأخلاق على حق . ولو السلفيين رحلناهم السعودية, مصر هتبقى باريس. ولو دبحنا الإخوان مصر هتعيش فى أمان.



" فى الأدبيات المعاصرة, تصوير الاخر على أنه " شره وحريص على المال"  وهى صورة منتشرة عن الصينين فى جنوب شرق اسيا والباكستانيين فى انجلترا واليهود فى اوروبا والعالم العربى.وتلك الصورة غالبا ما يكون لها أساس من الواقع. لكن العقل العنصرى يعزل بعض التفاصيل عن واقعها المركب وأسبابها وملابساتها ويحولها إلى نموذج إدراكى.. لو دقق العنصرى مثلا لوجد ان الصينيين والباكستانيين أهل كرم فى بلادهم وعقائدهم الدينية تشجع على السخاء. وبالتالى لو وجد هذا الحرص الشديد لابد للبحث عن مصدره فى مكان اخر. ولو دقق أكثر لوجد أنهم يعيشون فى بلاد غير بلادهم ولذلك يكون احساسهم بالأمان ضعيفا. وكيانهم ووجودهم مرتبط بالوظيفة التى يضطلعون بها والثروة التى يراكمونها وبالتالى من الصعب عليهم اخذ موقف متسامح من المال "


الترجمة : لازم تفكر ليه الأقباط منعزلين. وليه الإخوان غامضين وليه العلمانيين متغربين وليه الشرطى اخلاقه وحشة وليه انت نفسك بتفكر تفكير اختزالى وتاعبنا معاك.


الاقتباسات للدكتور عبدالوهاب المسيرى - رحمه الله -
كتاب اليد الخفية