مناوشات

.
There was an error in this gadget

Wednesday, January 18, 2012

المهندس الشحات دايما صح

احمد : انا مش فاهم انت ايه الى مضايقك فعلا , انت غريب أوى !

ابراهيم: يا احمد. انا الى غريب ! ومواقف المهندس الشحات مش غريبة !!

أحمد : معلش يعنى . هو أنا وانت هنقعد ننقد الشحات ! انت عبيط يابنى ولا ايه.

ابراهيم : ايوا يا سيدى انقده. ومواقفه من بعد الثورة مش عاجبانى ومش فاهمه الصراحة.

أحمد : يابنى انا مش فاهمك مش انت عاوز الإسلام زينا وخايف عليه ؟ ازاى تتكلم عن الشحات. سبت الناس كلها وجاى تنقد الشحات يا  مؤمن.

ابراهيم : ما هو عشان انا عايز الإسلام وخايف عليه وعلى بلدى كمان بنقده !

أحمد : وانت كنت عملت ايه بقى للإسلام قصاد الى الشحات عمله ! باين انك نسيت نفسك يا ابراهيم.

ابراهيم: مش ملاحظ انك شخصنت الموضوع ونازل تريقة على رغم ان ده ضد مبادئ الدين , ليه كل ما اقول انتقاد على موقف بدل ما ترد عليه ولو حتى تقول والله انا معرفش تقعد تهزءنى !

أحمد : أصلا الشحات مش محتاج حد يرد عنه. هومن أنبل الشخصيات الى فى مصر, وكفاية مجهودة ونضاله. وعلى فكرة دايما كلامه بيطلع صح.

إبراهيم : طيب وموقفه بعد الاستفتاء والكلام الى طلع يقوله , مش يحترم إرادة الناس  ولا هو هيمشى كلامه عليهم بالعافية !

أحمد : الناس غلط وهو صح. وهو دايما بيقول صح. حتى شوف السعودية وبطل تنطيط يا عم الأمور.

إبراهيم: شكرا يا عم أحمد,ربنا يهدينى !
______________________________________________________________________________

اخر حاجة بقى بعد ما حضراتكم قريتوا الحوار.

كل كلمة من الكلمات االلى فوق بدلها بالكلمات الجديدة
المهندس = الدكتور
الشحات = البرادعى
الإسلام = التغيير
الدين = الحرية
السعودية = تونس

ركن التعليقات يقبل الشتائم !

1 comment:

  1. ربنا يحفظك يا إبني والله.. التبعية العمياء إلغاء للعقل وضعف في الشخصية.
    الكثيرون في مجتمعنا يفعلون نفس الشيء على اختلاف مشاربهم الفكرية والسياسية والدينية.

    أنا عارف إنسان فاضل بيدافع عن الرأي وضده حسب رأي من يتبع!!

    دي كانت على ناس تانية حبايبي لكن هم من نفس المجتمع المصري:

    http://travelerreflections.wordpress.com/2011/10/05/%D8%A3%D8%AA%D8%A8%D8%A7%D8%B9-%D8%A7%D9%84%D9%84%D9%87-%D9%8A%D9%82%D8%AF%D8%B3%D9%88%D9%86-%D8%A7%D9%84%D9%84%D9%87-%D9%88%D8%AD%D8%AF%D9%87/

    ReplyDelete